• விஐடி பல்கலைகழகத்தில் ரிவேரா கலை விழா.

 ·         விஐடி பல்கலைகழகத்தில் ரிவேரா கலை விழா பிப்.26-ல் தொடக்கம்

·         18,000 பங்கேற்பாளர்கள், ரூ.25 லட்சத்துக்கும் அதிகமான பரிசு தொகை!

·         சுனிதா சவுஹான், எஸ்.தமன், பென்னிதயாள், பிரதீப்குமார் இசை பிரபலங்கள் பங்கேற்பு!

      வேலூர் விஐடி பல்கலைகழகத்தில் ரிவேரா 2026 கலை விழா பிப்ரவரி 26-ம் தேதி தொடங்கி மார்ச் 1-ம் தேதி வரை நான்கு நாட்கள் நடைபெற உள்ளது.

     இதில் 18,000 பங்கேற்பாளர்கள், ரூ.25 லட்சத்துக்கும் அதிகமான பரிசு தொகை வழங்கப்பட உள்ளது.

    முதன்மை நிகழ்வாக சுனிதா சவுஹான், எஸ்.தமன், பென்னி தயாள், பிரதீப்குமார் இசை பிரபலங்கள் பங்கேற்கின்றனர்.

    இதுகுறித்து, விஐடி வேந்தர் கல்விக்கோ முனைவர் கோ.விசுவநாதன் செய்தியாளர்களிடம் கூறியதாவது:

           2002-ஆம் ஆண்டு தொடங்கப்பட்ட ரிவேரா கலை விழா இந்த ஆண்டு அதன் 23-ஆவது பதிப்பாக கொண்டாடப்படுகிறது.

     ப்ரீ-ரிவேரா நிகழ்வுகள் பிப்ரவரி 19 முதல் 22 வரை நடைபெற்று முடிந்தன. ப்ரீ-ரிவேரா விளையாட்டு நிகழ்வுகள் பிப்ரவரி 3 முதல் 22 வரை நடத்தப்பட்டன. முதன்மை ரிவேரா கலை விழா பிப்ரவரி 26 முதல் மார்ச் 1 வரை நான்கு நாட்கள் நடைபெற உள்ளன.

     ரிவேரா 2026-ல் விளையாட்டுகளை தவிர்த்து 136 முதன்மை நிகழ்வுகளும் 16 பிரீமியம் நிகழ்வுகளும் இடம் பெற்றுள்ளன. மொத்தம் 18,000-க்கும் மேற்பட்ட பங்கேற்பாளர்கள் கலந்து கொள்கின்றனர். அதில் 1,000-க்கும் மேற்பட்ட வெளி கல்லூரி மாணவர்கள் உள்ளனர்.

      28 வெவ்வேறு நாடுகளை சேர்ந்த 120-க்கும் மேற்பட்ட வெளிநாட்டு மாணவர்கள் INFUSION என்ற பல கலாச்சார அதிசய நிகழ்வில் பங்கேற்கின்றனர்.

     இத்தாலியிலிருந்து 33 மாணவர்களும் அவர்களுடைய 2 பேராசிரியர்களும் விழாவில் கலந்து கொள்ள VIT வளாகத்திற்கு வந்துள்ளனர். மொத்த பணப் பரிசு மதிப்பு ரூ.25 லட்சத்துக்கும் மேல் உள்ளது.

ப்ரீ-ரிவேரா நிகழ்வுகள்:

     ப்ரீ-ரிவேரா கட்டத்தில் 20-க்கும் மேற்பட்ட நிகழ்வுகள் நடத்தப்பட்டன. இதில் 3 பிரீமியம் ப்ரீ-ரிவேரா நிகழ்வுகளும் விளையாட்டு நிகழ்வுகளும் அடங்கும். ரிவேரா விளையாட்டு நிகழ்வுகள் ப்ரீ-ரிவேரா மற்றும் முதன்மை கட்டங்களில் இரண்டிலும் நடைபெறுகின்றன.

      ப்ரீ-ரிவேரா விளையாட்டுகள் பிப்ரவரி 3 முதல் 13 வரை நடைபெற்றன. முதன்மை ரிவேரா விளையாட்டுகள் பிப்ரவரி 16 முதல் 27 வரை தொடரும். 14 ப்ரீ-ரிவேரா விளையாட்டு நிகழ்வுகளும் 12 முதன்மை விளையாட்டு நிகழ்வுகளும் உள்ளன. விழா பிப்ரவரி 26 அன்று மாரத்தான் போட்டியுடன் தொடங்குகிறது. இந்த ஆண்டு புதிதாக பிப்ரவரி 19 அன்று சிறப்பு குழந்தைகள் விளையாட்டு நிகழ்வு அறிமுகப்படுத்தப்பட்டது.

 ரிவேரா நிகழ்வுகள்:

    முதன்மை ரிவேரா நிகழ்வுகள் பிப்ரவரி 26 முதல் மார்ச் 1 வரை நடைபெறும். இதில் 100க்கும் மேற்பட்ட முதன்மை ரிவேரா நிகழ்வுகளும் 20-க்கும் மேற்பட்ட பிரீமியம் நிகழ்வுகளும் இடம்பெறும். 60-க்கும் மேற்பட்ட கிளப்கள், சாப்டர்கள் மற்றும் சங்கங்கள் இந்த விழாவில் பங்கேற்கின்றன.

     இந்த ஆண்டு சிறப்பம்சமாக ரிவேரா 2026 Grid Wars நிகழ்வின் மூலம் AI vs Humans போட்டி வடிவத்தை அறிமுகப்படுத்தியுள்ளது. Pickle Royale: Lights Out மூலம் ஒளிரும் வடிவ விளையாட்டுகள் அறிமுகமாகியுள்ளன. SDG இலக்குகளுடன் இணைந்த நிலைத்தன்மை சார்ந்த ஃபேஷன் போட்டிகள் இணைக்கப்பட்டுள்ளன. Diamond, Gold, Silver வகைகளை கொண்ட டயர்டு Proshow Pass முறை புதிதாக அறிமுகப்படுத்தப்பட்டுள்ளது.

      நிகழ்வுகளில் தனி, குழு மற்றும் போட்டி முறையிலான இசை மற்றும் நடனப் போட்டிகள், சங்கங்கள் வழியாக இலக்கிய மற்றும் விவாதப் போட்டிகள், Esports மற்றும் விளையாட்டு போட்டிகள், நிலைத்தன்மை தீம்களுடன் ஃபேஷன் மற்றும் டிசைன் போட்டிகள், VIT Film Society-யால் நடத்தப்படும் CLIFF - Celluloid Indie Film Festival என்ற குறும்பட போட்டி (மாணவர் திரைப்படத் தயாரிப்பாளர்களுக்கு தளம் வழங்குகிறது), பல்வேறு வகைகளில் நுண்கலை மற்றும் கைவினை பயிலரங்குகள் ஆகியவை இடம் பெற்றுள்ளன.

முதன்மை கலை நிகழ்வுகள்:

     ப்ரோஷோக்களில் மிதாலி ராஜ், முன்னாள் இந்திய பெண்கள் கிரிக்கெட் அணியின் வீராங்கனை, ரிவேரா ’26-இன் தொடக்க விழா விருந்தினராக பங்கேற்கிறார்.

     பிப்ரவரி 26 (நாள் 1) அன்று பிரபல பின்னணி பாடகி சுனிதி சவுஹான்  இசை நிகழ்ச்சி இரவு 8 மணிக்கு நடைபெறும். பிப்ரவரி 27 (நாள் 2) அன்று இசையமைப்பாளர் எஸ்.தமன் இசை நிகழ்ச்சி இரவு 8.15 மணிக்கு நடைபெறும்.

     பிப்ரவரி 28 (நாள் 3) அன்று பின்னணி பாடகர் பென்னி தயாள் இசை நிகழ்ச்சி இரவு 8.30 மணிக்கும், பாடகர் பிரதீப் குமார் இசை நிகழ்ச்சி மாலை 6.45 மணிக்கும் நடைபெறும். மார்ச் 1 (நாள் 4) அன்று நிறைவு விழாவில் நடிகை ஜெனிலியா தேஷ்முக் பங்கேற்கிறார். இந்நிகழ்ச்சி மாலை 6.45 மணிக்கு நடைபெறும். தொடர்ந்து டிஜே ஷான் அவர்களின் டிஜே இசை நிகழ்வு இரவு 8 மணிக்கும், ரித்விஷ் ஆகியோரின் இசை நிகழ்வு இரவு 9.15 மணிக்கும் நடைபெற உள்ளது.

      இவ்வாறு அவர் கூறினார்.

     பேட்டியின்போது விஐடி துணை தலைவர்கள் சங்கர் விசுவநாதன், சேகர் விசுவநாதன், செயல் இயக்குநர் சந்தியா பென்டாரெட்டி, ரமணி பாலசுந்தரம், உதவி துணைதலைவர் காதம்பரி எஸ்.விசுவநாதன், இணை துணைவேந்தர் பார்த்தசாரதி மல்லிக், பதிவாளர் ஜெயபாரதி, ரிவேரா ஒருங்கிணைப்பாளர் பெல்வின் எட்வர்ட் உள்ளிட்டோர் உடனிருந்தனர்.