• சமூக தொழில்நுட்பம் குறித்த தேசிய மாநாடு - NCTS ‘2023.

 ·         சமூகத்திற்கான தொழில்நுட்பம் குறித்த தேசிய மாநாடு - NCTS ‘2023.

· நாடெங்கிலும் பல்வேறு துறைகளை சேர்ந்த அறிஞர்கள், ஆராய்ச்சியாளர்கள்,  வல்லுநர்கள் தங்கள் அறிவு, அனுபவம் மற்றும் யோசனைகளை பகிர்ந்த  மாநாடு.

              NCTS '23, சமுதாயத்திற்கான தொழில்நுட்பம் குறித்த தேசிய மாநாடு வடபழனி வளாகத்தில் உள்ள SRM அறிவியல் மற்றும் தொழில்நுட்ப நிறுவனத்தின் கணினி அறிவியல் மற்றும் பொறியியல் துறை, ஹைப்ரிட் முறையில் நடத்தியது.

      அண்ணா பல்கலைக்கழகத்தின் எம்ஐடி வளாகம், ஐடி துறை பேராசிரியர் & தலைவர் முனைவர்.  தனஞ்சய் குமார், டைகர் அனலிட்டிக்ஸ் முதன்மை தரவு விஞ்ஞானி முனைவர்.  ஸ்ரீ வல்லப தேவி மற்றும் ரெனால்ட் நிசான் பவர் ட்ரெயின்-இன் துறைத் தலைவர், தொழில்நுட்பம் & வணிக மையம் மற்றும் பொது மேலாளர் முனைவர். ஆனந்த்குருபாதம் ஆகியோருடன் மாநாட்டின் தொடக்க விழா நடைபெற்றது. 

             இந்த மாநாட்டின் நினைவு மலர்  புத்தகத்தின் முதல் பிரதியை முனைவர். C.V.ஜெயக்குமார், முதல்வர் [FET] வழங்க விழாவின் சிறப்பு விருந்தினர்களாகிய   முனைவர். தனஞ்சய் குமார், முனைவர். ஸ்ரீ வல்லப தேவி மற்றும் முனைவர். ஆனந்த் குருபாதம் ஆகியோர் பெற்றுக்கொண்டனர். அதைத் தொடர்ந்து மூன்று விருந்தினர்களும் சிறப்புரையாற்றினர்.

     தொடக்க உரையில் முனைவர். தனஞ்சய் குமார் தொழில்நுட்பம் மற்றும் இணையத்தின் பரிணாம வளர்ச்சி மற்றும் சமூகத்தில் அதன் தாக்கம் குறித்து பேசினார். மாணவர்கள் நிஜ உலகப் பிரச்சனைகளை எடுத்துக்கொண்டு, சமூகம் அதிலிருந்து பலன்களைப் பெறுவதின் முக்கியத்துவத்தைப் பற்றி அவர் பேசினார்.

      முனைவர்.  ஆனந்த் குருபாதம் அவரது சிறப்புரையில் தொழில்நுட்ப வளர்ச்சியில் படைப்பாற்றல் மற்றும் புதுமைகளின் அவசியத்தைப் பற்றிக் குறிப்பிட்டார். நிலைத்தன்மைக்கான வடிவமைப்பு சிந்தனை காலத்தின் தேவை என்றும், எலக்ட்ரிக் வாகனங்கள் போன்ற சில முக்கியமான தொழில்நுட்பங்களின் வெற்றிக்கு இதுவே காரணம் என்றும் அவர் குறிப்பிட்டார்.

       இதை தொடர்ந்து முனைவர். ஸ்ரீவல்லபதேவி, தனது உரையில் ஜெனரேட்டிவ் AI, டிரான்ஸ்ஃபார்மர்ஸ், சாட் GPT போன்ற அதிநவீன தொழில்நுட்பங்களைப் பற்றியும், இந்த தொழில்நுட்பங்களின் இருப்புக்கு நிலையான இலக்குகள் எவ்வளவு இன்றியமையாதது என்பது பற்றியும் பேசினார்.

      தொடக்க விழாவைத் தொடர்ந்து, பரந்த அளவிலான தலைப்புகளை உள்ளடக்கிய இணை அமர்வுகளில் விளக்கக்காட்சிகள் சிந்தனையைத் தூண்டுவதாகவும், பங்கேற்பாளர்களிடையே கலகலப்பான விவாதங்களைத் தூண்டுவதாகவும் இருந்தன.

 

     நாடெங்கிலும் உள்ள பல்வேறு துறைகளைச் சேர்ந்த அறிஞர்கள், ஆராய்ச்சியாளர்கள் மற்றும் வல்லுநர்கள் தங்கள் அறிவு, அனுபவம் மற்றும் யோசனைகளைப் பகிர்ந்து கொள்ள  மாநாடு மிகப்பெரிய வெற்றியைப் பெற்றது. என்பது குறிப்பிடத்தக்கது.