• இந்தியாவிலேயே அதிநவீன வசதிகளுடன் குழந்தைகள் சிறப்பு மருத்துவ மையம்.

 ·         இந்தியாவிலேயே அதி நவீன வசதிகளுடன் குழந்தைகள் சிறப்பு மருத்துவ மையம்.

  ·         ராணிப்பேட்டை சி.எம்.சி மருத்துவமனை வளாகத்தில் 346 படுக்கைகள் கொண்ட குழந்தைகள் சிறப்பு மருத்துவ மையம் திறக்கப்பட்டது.

     ராணிப்பேட்டை மாவட்டம், பூட்டுதாக்கில் உள்ள சி.எம்.சி மருத்துவமனை வளாகத்தில் குழந்தைகளுக்கான  விரிவான, அக்கறையுடனும் நவீன தொழில்நுட்பத்துடனும் கூடிய உயர்தர மருத்துவ சேவைகளை வழங்குவதில் தொடர்ந்து மேற்கொண்டு வரும் பணியின் முக்கிய மைல்கல்லாக, கிறிஸ்தவ மருத்துவக் கல்லூரி வேலூர்,

            ராணிப்பேட்டை வளாகத்தில் புதிதாக அமைக்கப்பட்டுள்ள 346 படுக்கைகள் கொண்ட குழந்தைகள் சிறப்பு மருத்துவ மையமான பிளாக்- 1  ஐ  அக்டோபர் 2026 அன்று திறக்கப்பட்டது.

     இந்த புதிய மையம், குழந்தைகள் மருத்துவத்திற்கான உள்கட்டமைப்பில் மேற்கொள்ளப்பட்டுள்ள ஒரு முக்கிய முதலீடாகும். பல்வேறு குழந்தைகள் மருத்துவ சிறப்புப் பிரிவுகளையும் உயர் சிறப்புப் பிரிவுகளையும் ஒரே கூரையின் கீழ் ஒருங்கிணைக்கும் சிறப்பு மையமாக இது உருவாக்கப்பட்டுள்ளது.

      இந்தியா முழுவதிலும் இருந்தும், வெளிநாடுகளில் இருந்தும் வரும் குழந்தைகளுக்கு சிறப்பு மருத்துவம், மூன்றாம் நிலை மருத்துவ சேவைகள் மற்றும் சிக்கலான மருத்துவ மற்றும் அறுவைச் சிகிச்சை சேவைகளை வழங்கி வரும்  தற்போதைய திறனை இந்த மையம் மேலும் வலுப்படுத்தும்.

     குழந்தைகள் சிறப்பு மருத்துவப் பிரிவுகள், வேலூர் ராணிப்பேட்டை வளாகத்திற்கு மாற்றம் ராணிப்பேட்டை வளாகத்திற்கு மாற்றப்படவுள்ள துறைகள் மற்றும் சேவைகள்:

     குழந்தைகள் நரம்பியல் மருத்துவம், குழந்தைகள் வாதநோய் மருத்துவம், குழந்தைகள் சிறுநீரக மருத்துவம், குழந்தைகள் சுவாச மருத்துவம், குழந்தைகள் புற்றுநோய் மருத்துவம், குழந்தைகள் தொற்று நோய் மருத்துவம், குழந்தைகள் இரைப்பை மற்றும் குடலியல் மருத்துவம், குழந்தைகள் தீவிர சிகிச்சைப் பிரிவு, குழந்தைகள் வளர்ச்சி மருத்துவம், குழந்தைகள் அவசர சிகிச்சைப் பிரிவு, குழந்தைகள் நாளமில்லாச் சுரப்பி மருத்துவம் சிறப்புத் தேவையுடைய குழந்தைகளுக்கான பல் மருத்துவம்இந்த சேவைகள் ஒருங்கிணைக்கப்படுவதன் மூலம், சிறப்பு மருத்துவம், அவசர சிகிச்சை, தீவிர சிகிச்சை, வளர்ச்சி சார்ந்த மருத்துவம் மற்றும் பல் மருத்துவம் உள்ளிட்ட பரந்த அளவிலான சேவைகள் ஒருங்கிணைந்த குழந்தைகள் மருத்துவச் சூழலில் வழங்கப்பட உள்ளன.

            இந்த புதிய மையம் 2027 ஜனவரி மாதத்தில் செயல்பாட்டுக்கு கொண்டுவர திட்டமிடப்பட்டுள்ளது. மருத்துவப் பிரிவுகளின் மாற்றம் மற்றும் அவற்றின் செயல்பாடுகள் 2027 பிப்ரவரி மற்றும் மார்ச் மாதங்களில் இரண்டாம் கட்டமாக தொடங்க திட்டமிடப்பட்டுள்ளது.இந்த ஒருங்கிணைப்பு மூலம் குழந்தைகள் மருத்துவர்கள், உயர் சிறப்பு மருத்துவர்கள், அறுவைச் சிகிச்சை நிபுணர்கள், செவிலியர்கள், இணை மருத்துவப் பணியாளர்கள் மற்றும் பல்துறை மருத்துவக் குழுவின் பிற உறுப்பினர்கள் இடையே நெருக்கமான ஒருங்கிணைப்பு ஏற்படும்.இந்த மையம், இந்தியாவின் முதல் சில முழுமையான உயர் சிறப்பு குழந்தைகள் மருத்துவமனைகளில் ஒன்றாக உருவாக்கப்பட உள்ளது. சிக்கலான மற்றும் சவாலான மருத்துவ நிலைமைகளைக் கொண்ட குழந்தைகளுக்கு ஒருங்கிணைந்த மற்றும் முழுமையான மருத்துவப் பராமரிப்பை வழங்குவதுடன், ஒரே குழந்தைநேயம் கொண்ட மருத்துவச் சூழலில் பல்வேறு சிறப்பு மற்றும் உயர் சிறப்பு மருத்துவ சேவைகளைப் பெறுவதற்கான வாய்ப்பையும் குடும்பங்களுக்கு இது வழங்கும்.இந்த குழந்தைகள் சிறப்பு மருத்துவ மையம், CMC-யின் ராணிப்பேட்டை வளாகத்தில் அமைந்துள்ள 1,200 படுக்கைகள் கொண்ட உயர் சிறப்பு மருத்துவமனை வளாகத்திற்குள் அமைந்துள்ளது.

            சென்னை–பெங்களூரு தேசிய நெடுஞ்சாலை அருகே அமைந்துள்ள இதன் முக்கியத்துவம் வாய்ந்த இருப்பிடம், மேம்பட்ட நோயறிதல், சிகிச்சை, அறுவைச் சிகிச்சை மற்றும் பிற துணை மருத்துவச் சேவைகளை எளிதில் அணுகுவதற்கு உதவும்.

     எதிர்காலத்திற்கான தொண்டு நிறுவனங்களின் கூட்டாண்மை இந்தத் திட்டம்,  பேர் பேக்ஸ்  நிறுவனம் ( வேலூர் சி.எம்.சி  மற்றும்  க்யூஸ் கார்ப் ஆகியவற்றின் தாராளமான ஆதரவுடன், மேலும் பல நன்கொடையாளர்கள் மற்றும் நலன் விரும்பிகளின் பங்களிப்புகளுடன் சாத்தியமாகியுள்ளது.இந்த கூட்டாண்மை, சிக்கலான மருத்துவத் தேவைகளைக் கொண்ட குழந்தைகளுக்கு தொடர்ந்து சேவை செய்யும் நீடித்த மருத்துவ நிறுவனத்தை உருவாக்குவதற்கான பகிரப்பட்ட தொலைநோக்குப் பார்வையை பிரதிபலிக்கிறது.

      அதேவேளை, இந்தியாவில் குழந்தைகள் மருத்துவத் துறையின் முன்னேற்றத்திற்கும் இது பங்களிக்கும். எதிர்காலத்தை நோக்கி முன்னேறும்  இக்குழந்தைகள் சிறப்பு சிகிச்சை மையமானது ரூ.420 கோடியில் கட்டிடமும் ரூ.500-கோடிக்கு மேல் நவீன  உபகரணங்களுடனும்     346 படுக்கைகள் கொண்ட குழந்தைகள் சிறப்பு மருத்துவ மையம், சேவை, சிறப்பு மற்றும் புத்தாக்கம் ஆகியவற்றை நோக்கிய CMC-யின் தொடர்ச்சியான பயணத்தில் ஒரு முக்கியமான மைல்கல்லாகத் திகழ்வதாக சி.எம்,சி மருத்துவமனையின் இயக்குநர் பிஜு ஜார்ஜ் செய்தியாளர்களிடம் கூறினார் பேட்டியின் போது குழந்தைகள் சிறப்பு சிகிச்சை நிபுணர் மருத்துவர்.தீபக் செல்வராஜ், மருத்துவர் லல்லு ஜோசப் உள்ளிட்டோர் உடன் இருந்தனர்.